3. eguna. Isilean abestu, hitz egin, barre egin, negar egin eta oihu egiteari, horri deritzaio idaztea.

Isiltasunak nitaz galdetzen badizu, esaiozu galdu egin naizela,

bere sareetan erori eta bertan geratu naizela. 

Isiltasunak nitaz galdetzen badizu, esaiozu lore bat naizela, 

indarrak batu eta bere sareetatik irten naizela.

Isiltasunak nitaz galdetzen badizu, esaiozu bere kide naizela, 

baina, aldi berean,  ihes egin nahi duen amorantea naizela. 

Isiltasunak nitaz galdetzen badizu, esaiozu beti hemen izango naizela, 

oraingoan ordea, oihu egin beharrean aurkitzen naizela.